2 СӘУІР – ХАЛЫҚАРАЛЫҚ БАЛАЛАР КІТАБЫ КҮНІ
 
 

Күні: 02.04.2024 жыл

Мақсаты: Кітап – сарқылмас рухани қазына дей келе, білімнің кітап арқылы берілетінін 

ұғындыру. Кітаптың адам өміріндегі маңызы, ғылым мен білімнің пайдасы жайлы түсіндіру. Ата-аналар арасында балаларға кітап оқудың қажеттілігін насихаттау.

«Оқуға құштар мектеп» жобасы аясында

 «Кітапханаға кітап сыйла» акциясы

Міндеті: «Кітап-ақылына ақы сұрамайтын асыл қазына» деп бекер айтпаған. Кітап оқу-адамға өзіндік әсер етіп, оның адам болып қалыптасуында маңызды рөл атқаратын, кітап оқу мен кітапханаларды қолдау-қоғам дамуының   басты міндеттерінің бірі.

   «Артық білім кітапта, ерінбей оқып көруге» деп ойшыл Абай Құнанбаев айтып кеткендей, түйсігі бар әрбір адам үшін ғылым мен білімнің қайнар көзі кітапта екенін ұғамыз. Осы орайда , Жаңашаруа орта мектебі кітапханасында «Оқуға құштар мектеп» жобасы аясында «Кітапханаға кітап сыйла!» атты қайырымдылық акциясы болып өтті.

Мақсаты: Кітапхана қорын жаңа дүниелермен толықтыруға бағытталған бағалы бастама басқа да жанашыр жандардың тарапынан кеңінен қолдауға ие болуда. Алдағы уақытта оқушыларға бос уақыттарын тиімді пайдаланып, үнемі іздену арқылы тұлғалық болмысын дамыту үшін жаңаша жетістіктерге жетелейтін көркем әдебиеттер мен ғылыми әрі танымдық кітаптарды жиі оқуды тұрақты дәстүрге айналдырса, уақыттың үдерісінен табылары даусыз. Бұл – қазіргі кездің ең басты талабы.

1-Наурыз «Алғыс айту» күні

Тақырыбы: «Алғыс білдіру ең асыл сөз»

Мақсаты: балалардың «сыйластық» құндылығы туралы түсініктерін кеңейту,  әдептілікке, кішіпейілділікке, ізеттілікке тәрбиелеу.

Қорытынды: Құрметті оқушылар, жылы сөз, қайырымды іс, жақсы ой, кіршіксіз сезімдеріңізді ешкімнен ешқашан аямаңыздар, «Рахмет» деген сөзді жиі айтыңыздар. Адам алғыс пен ризашылықты естіген сайын, жақсылық жасағысы келіп тұратынын естеріңізде сақтаңыздар!

    Өмірдің әрбір сәтін бағалай білуге үйреніңіздер және Табиғат-Анаға мейірімді күні үшін, көңілді жаңбыры мен ақ қары үшін, жұмсақ ұлпа бұлты үшін, жақын адамдарға қайырымдылығы мен риясыз махаббаты үшін алғыс айтуды ұмытпаңыздар.

Күні: 16.02.2024 жыл

Тақырыбы: "Ауған соғысына 35жыл"

Мақсаты: Ауған оқиғасының тарихи мағынасын аша отырып, соғыс ардагерлері туралы мәлімет беру. Тарихи деректердің маңызды екендігін ұғындыру, Тәуелсіздік жолында күрескен аға-апаларымыздың ерлігін мақтаныш ете отырып, оқушыларды ұлтжандылыққа, отанын сүюге тәрбиелеу.

Кітапханашы: Соғыс халықтың басына келген қасірет, жұт. «Ауғанстан - жүректегі жара» демекші 15 ақпан 1989 жылы талай аналарды перзенттерден айырған, мыңдаған жерлес бауырларымыз қаза тапқан қасіретті де, қайғылы «Ауған соғысы» аяқталды. Жылдар өткенімен жауынгерлеріміздің өшпес ерлігі ел есінде сақталуда. Бүгінде біз бейбіт елдің жастары, еліміздің сол соғысқа қатысқан ұлдарын, Отан алдындағы борыштарын адал атқарған азаматтарымызды құрмет тұтуға міндеттіміз.

«Білейік, танысайық!» кезеңі. Ауған соғысы туралы мәліметтер - 1979 жылы 12 желтоқсанда Кеңес Одағы басшыларының шағын тобы : Л.И.Брежнев, Ю.В.Андропов, М.А.Суслов, Д.Ф.Устинов Ауғаныстанға Кеңес әскерін енгізу туралы шешім қабылдады. - 1979 жылы 25 желтоқсанда КСРО әскерлері Ауғаныстан шекарасынан өтіп онда 1989 жылдың ақпанына дейін соғыс қимылдарын жүргізді. - Қазақстаннан Ауған соғысына 22000 адам қатысып, олардың 761-і қаза тапты. 21 адам хабарсыз кетті. - Бүгінгі таңда Қазақ елінде 10000–ға жуық ауған ардагерлері бар. Олардың 3000–дайы мүгедектер қатарында.

  Қазіргі уақытта өзіміздің Жаңашаруа ауылында да ауған соғысының ардагерлері бар.Ол кісілерді шақырып қысқаша ауған соғысы туралы мағлұмат алдық, оқушылар зейін қойып тыңдады. Отанға деген сүйіспеншіліктері артып, шетінен сұрақ қойып, көп нарсеге көз жеткізді десекте болады.

Мұқағали Мақатаевқа арналған іс-шара «Жырлайды жүрек»

Күні: 09.02.2024жыл

Мақсаты: Ғасырлар тоғысында ғасыр ақыны атанған Мұқағали Мақатаевтың ақындық талантын шәкірт жүрегіне ұялату, сол арқылы олардың бойында поэзия әлеміне, жалпы сөз өнеріне деген сүйспеншілікті берік қалыптастыру.

  Оқушыны сөз мәдениетін дұрыс меңгеріп, жырларды мәнерлеп оқуға, өлеңді өміріне серік еткен ақынға еліктеп ақынжанды болып өсуіне кең жол ашу, рухани танымын кеңейту.

  Туған халқының талантты ақынына,әдебиетіне,туған еліне деген сүйспеншілік сезімін оятып, адамгершілікке тәрбиелеу.

Көрнекілігі: Презентация «Жырлайды жүрек»,ақын кітаптарына көрме, портреттер,ақын шығармашылығына арналған буклеттер. 

                                                   Кітапханашы:                 Нуркыдырова С.С

Жаңашаруа атындағы орта мектеп кітапханасында

2023-2024 оқу жылы оқулықтарды таратып беру

« Білім күні Оқулықтарды  өңдеу және  беру»

Мақсаты: Оқулықтарды  1-11 сынып оқушыларды толық қамту.

Міндеті: жетпеген оқулықтарды басқа мектептерден алу, алмастыру.

Хаттама негізінде.

8-11 сыныптың кітапхана оқырмандары жоғарғы көңіл бөлуді талап етеді. Себебі олар кітапханаға  сирек келеді, оның өзінде тек пән мұғалімдері тапсырма бергенде ғана.

Мұғалім-оқырмандарға ақпараттық   желіден көмек көрсетіледі,   сабаққа керекті видео –роликтер жүктеп беріледі, әдебиет шолулар, кітап көрмелері ұйымдастырылған.

25 - 28 мамыр аралығында оқулықтарды жинап алдық. Мектеп ішілік  бұйрыққа сүйене отырып тамыз айында сынып жетекшілеріне оқулықтарды таратып бердік.Оқулықтар кітапхана қорындағы барлығы таратылып берілді.

Биылғы оқу жылында 2-сынып оқушыларына   жаңа буын  оқулықтармен 100%  пайыздық көрсеткішпен толық қамтамасыз етілді.

10-11  сыныптарына ҚБ бойынша көрші мектептерден хаттама арқылы оқулықтар алып келдік.